Logan með sinn fyrsta pallbíl

Dacia, sem er lágvörumerki í bílabransanum og alfarið í eigu Renault, kynnti í dag fyrsta pallbílinn sinn, Dacia Logan Pick-Up.

Bíllinn er byggður á fólksbílnum Logan sem hefur gengið afar vel í Austur Evrópu og á Indlandi enda er útsöluverð hans aðeins rúmlega 400.000 kr. Áður hafa komið á markað bæði Logan fjölnotabíll og Logan skutbíll.

Pallbílsútgáfan verður framleidd í Rúmeníu og hægt er að fá hann annaðhvort með bensín- eða díselvélum þróuðum af Renault.

Ekki er von til þess að Logan verði í boði á Íslandi en allur helsti útbúnaður sem Íslendingar eru vanir er skorinn við nögl í þessum bílum til að halda niðri kostnaði.

Athugasemdir

[FLÓTTAMAÐURINN, 19.2.2008 kl. 22:22]

Það er villa í fréttinni hjá þér að mínu mati, ég hef flakkað talsvert um Rúmeníu og hef séð óteljandi Dacia Double Cab þar. Á þetta að vera fyrsti Logan pallbíllinn?

[motor.blog.is, 20.2.2008 kl. 11:10]

Nú er það. Ég byggði þetta á fréttatilkynningu frá Renault sem sjá má hér: http://www.media.renault.com//data/doc/mediarenaultcom/en/15966_CP_LoganPickup_02072008_GB_sitemedia.pdf. En ég viðurkenni að ég er ekki alveg nógu vel inn í þessu Logan merki. þó að mér finnist það áhugavert.